तालुका पोलीस स्टेशन आयोजित वक्तृत्व स्पर्धेत यशोदाच्या विद्यार्थ्यांचे यश

तालुका पोलीस स्टेशन आयोजित वक्तृत्व स्पर्धेत यशोदाच्या विद्यार्थ्यांचे यश

महाराष्ट्र पोलीस कोल्हापूर रेंजच्या वतीने डायरेक्टर जनरल युथ पार्लमेंट चॅम्पियनशीप अंतर्गत सातारा तालुका पोलीस स्टेशन येथे आयोजित करण्यात आलेल्या वक्तृत्व स्पर्धेत यशोदा टेक्निकल कॅम्पसमधील एमबीएचा विद्यार्थी भरत कांबळे आणि त्याच्या टीमने प्रथम क्रमांक मिळविला. त्याने रॅगिंग या विषयावर मनोगत व्यक्त केले.

या स्पर्धेमध्ये वाहतूक नियंत्रण आणि नागरिकांचा सक्रीय सहभाग, छेडाछाड, डॉल्बीमुक्त अभियान, रॅगिंग, बालक व स्त्रियांवर होणारे अत्याचार, भ्रष्टाचार आणि गर्भलिंग तपासणी हे विषय देण्यात आले होते. प्रत्येक विद्यार्थ्याने आपले मनोगत व्यक्त करावयाचे होते. तालुक्यातील विविध महाविद्यालयातील विद्यार्थी या स्पर्धेमध्ये सहभागी झाले होते. या सर्वांमधून यशोदा टेक्निकल कॅम्पसमधील कॉलेज ऑफ एमबीएचा प्रथम वर्षाचा विद्यार्थी भरत कांबळे याने प्रथम क्रमांक मिळविला. अभिलाष नाळे आणि कृष्णा काळे या विद्यार्थ्यांनीही त्याला सहकार्य केले. स्मृतीचिन्ह आणि प्रशस्तीपत्रक देऊन या विद्यार्थ्यांना गौरविण्यात आले.

त्याच्या या यशाबद्दल यशोदा शिक्षण संस्थेचे संस्थापक अध्यक्ष प्रा. दशरथ सगरे, उपाध्यक्ष प्रा. अजिंक्य सगरे, रजिस्ट्रार गणेश सुरवसे, इंजिनिअरिंगचे प्राचार्य प्रा. डॉ. एन. जी. नार्वे, एमबीएच्या प्राचार्य प्रा. डॉ. राजश्री चव्हाण, संवाद व जनसंपर्क संचालक प्रा. दीपक शिंदे यांनी त्याचे अभिनंदन केले.