तालुका पोलीस स्टेशन आयोजित वक्तृत्व स्पर्धेत यशोदाच्या विद्यार्थ्यांचे यश

विद्यार्थ्यांमध्ये नवनिर्मितीची आस आवश्यक – मकरंद कुलकर्णी

यशोदामध्ये उद्योजक - विद्यार्थी संवाद कार्यशाळा

औद्योगिक क्षेत्रामध्ये आपले स्थान बळकट करण्यासाठी विद्यार्थ्यांमध्ये सृजनशीलता आणि नवनिर्मितीची आस असली पाहिजे. असे विद्यार्थी भविष्यात कधीही मागे रहात नाहीत आणि देशाच्या जडणघडणी आपले योगदान देतात. यशोदामधील विद्यार्थ्यांमध्ये मला ते गुण दिसत असल्याचे मत इर्मसन क्लायमेंट टेक्नॉलॉजी इंडिया प्रा. लि. चे संचालक मकरंद कुलकर्णी यांनी व्यक्त केले.

यशोदा टेक्निकल कॅम्पसमध्ये उद्योजक आणि विद्यार्थी यांच्यातील संवाद वाढावा तसेच उद्योगाच्या गरजा समजून घेण्यासाठी आयोजित उद्योजक – विद्यार्थी संवाद कार्यशाळेत ते बोलत होते. यावेळी यशोदा शिक्षण संस्थेचे उपाध्यक्ष प्रा. अजिंक्य सगरे, इंजिनिअरिंग विभागाचे प्राचार्य प्रा. डॉ. अनिरुद्ध महात्मे, इमर्सनचे वरिष्ठ व्यवस्थापक उमेश जाधव, यशोदाचे ट्रेनिंग आणि प्लेसमेंट अधिकारी प्रा. तुषार शेंडे यांची प्रमुख उपस्थिती होती.

इर्मसनचे मकरंद कुलकर्णी म्हणाले, विद्यार्थ्यांनी केवळ शिकण्यापेक्षा समजून घेणे आवश्यक आहे. आपण किती शिकलो यापेक्षा किती समजले यावरच यश अवलंबून असते. उद्योग क्षेत्रामध्ये कामापेक्षा रिझल्ट महत्वाचा असतो. सध्या उद्योग क्षेत्रामध्ये असलेल्या मंदीमुळे लोकांमध्ये निरुत्साह आहे. पण, ही परिस्थिती कायम राहणार नाही. उद्योग खूप वेगाने विकसित होत आहे. नवीन तंत्रज्ञान येत आहे. हे अवगत करण्याची क्षमता विद्यार्थ्यांनी अंगिकारली पाहिजे. त्याबरोबरच शिकण्याची उमेद, निर्णयक्षमता आणि ज्ञानाची माहिती घेण्याचे सातत्यही विद्यार्थ्यांनी ठेवले पाहिजे.

यशोदा शिक्षण संस्थेचे उपाध्यक्ष प्रा. अजिंक्य सगरे म्हणाले, उद्योगांची गरज लक्षात घेऊन विद्यार्थ्यांमध्ये विविध प्रकारचे कौशल्य निर्माण करण्याचे काम यशोदामध्ये केले जाते. उद्योगांच्या गरजेप्रमाणेच चांगला आणि सृजनशील माणूस घडविण्याचे कामही आम्ही करत आहोत.

यावेळी कॉलेजच्यावतीने आयोजिक कॅम्पस इंटरव्यूहमध्ये सुपरनोव्हा, व्ही प्लस आणि झेनिथ सिस्टीम या कंपन्यांमध्ये नव्याने निवड झालेल्या हसीना शेख, सह्याद्री पाटील, कोमल जंगम, सोनाली मस्के आणि ऐश्वर्या उनकुले या विद्यार्थीनींचा प्रमुख पाहुण्यांच्या हस्ते सत्कार करण्यात आले.

कार्यक्रमाला इंजिनअरिंग विभागातील मेकॅनिकल, सिव्हिल, इलेक्ट्रीकल, कम्प्युटर सायन्स, इलेक्ट्रॉनिक्स अँण्ड टेलिकम्युनिकेशन या अभ्यासक्रमाचे विद्यार्थी, प्राध्यापक उपस्थित होते.

ट्रेनिंग आणि प्लेसमेंट अधिकारी प्रा. तुषार शेंडे यांनी सुत्रसंचालन केले तर इंजिनिअरिंग आणि पॉलिटेक्निकचे प्राचार्य प्रा. डॉ. अनिरुद्ध महात्मे यांनी आभार मानले.